I
Nu
scarafuni prufissuri
fici na festa cu tanti culuri
era na festa cu ficu e pizzetti
passau l'invito a tutti l'inzetti
Arrivau pi prima la tiessi cummari
vistuta ri niru e l'ascilli dorati
compiaciuta ri la festa in famigli
li rissi a lu pulici: ti presentu mia figlia.
Nu griddu aprìu la festa
cu nu fischiettu finu e pricisu
si gireru tutti a guardarlu
la salvatana rissi: stamu mparavisu
Na zicca azziccata a na frasca
nu ragnatinu la stia a guardà
l'accumpagnava cu la cura ri l'uocchi
subitu prontu pi la scannà
Ngera na musca rispirata
quanna vitti la zicca scannata
atuornu atuornu si misi a vulà
s'assittau a lu latu e si misi a magnà.
Na zanzara pi dispiettu
si l'assittau ngoppa lu piettu
nu ragnatinu la sicutau
e tuttu lu sangu si lu surchiau
Na tavana furiusa vulava
attuornu n'auricchi ri nu ciucciu attaccatu
quanna vitti nu sparpagliuolu li rissi
scusa sparpa: mi su fidanzata.
Nu vermu nda na cocuzza
spirtusava ri capu e capizza
lu virmicillu vinìa chiù arretu
li rissi a lu vermu: i vogliu na pizza.
|
II
Na cacciacorna tutta cuntenta
ngoppa na chiappa ri na petra allisciata
singè qualcunu chi tantu mi ama
segui la scìa, i su na madama
Nu pirucchiu ngoppa lu cuoddu
p'arretu l'auricchi sinni acchianau
quanna arrivau nda li capilli
mienzu li linani si curcau
Nu truzzulaturu vicinu nu bucu
ri nu trongu ri nu cirasu siccatu
tutta sexy la rigina formica rissi: holà picchio: stò innamorata
Tri lucciolette cu luce divina
illuminavanu lungu lu caminu
a nu grillu fischiettu chi era sulista
cu nu cri cri pi tutta la festa
La parti chiu bella ri tutta la
festa
fu impruvvisata cu pumpa e cù gesta
canti e armunie intunarunu cu gala
li tri sorelle. "le bambine zicala"
La libellula portentosa
echeggiava nell'aria cu armonica filigrana
cu li ali marcava la sua danza prodigiusa
cu gesti e sorrisi picchì la uardava.
Applausi e echeggi culmavanu l'andari
cu
grira ri evviva e gintili fischietti
in pieri circavanu lu bis, bravi, bis.
Fu lu griru onestu ri tutti l'inzetti
La festa si chiusi cu cantici
veri
cu bacetti sexy e stritti ri manu
pirò a nu mumentu li grira rispirati
quanna ra nu bucu sciu na faucitana.
|